2017/10/01

5. Laia Acarin Sariaren irabazle... Ane Wyssenbach

Benetan pozik gaude gure lagun eta lankide izandako Ane Wyssenbachek, Laia Acarin Sariaren 5. edizioaren irabazlea izan delako.

Anek hainbat artikulu eta sarrera idatzi zituen blog honentzako, eta benetako esker ona daukagu berarentzat. Beraz, ondo merezitutako saria.

2017/06/24

Autofagia

Gaur egun herrialde garatuetan osasun publikoak dituen erronken artean, adinarekin edo zaharkitze prozesuarekin zerikusia duten gaixotasunei aurre egiteak lehentasuna dauka. Hori dela eta, 65 urtetik aurrera eztanda egiten duten gaixotasunen prebentzioan edo aurre-diagnostikoan aurrerapenak egitea ezinbestekoa da. Zentzu honetan, osasun zientzien ikerketan inbertitzen den diru publikoaren zati handi bat helburu hau betetzera zuzentzen da.

(Yoshinori Ohsumi ikertzaileak 2016. urtean Nobel saria jaso zuen, autofagiaren inguruan egindako ekarpenengatik)

2017/05/30

Neuroblastoma

Minbizi tumore arraroa da neuroblastoma; normalean, ume eta haurtxoetan agertzen dena. Nerbio ehunetik eratzen da, nerbio sistema sinpatikoa osatzen duten ehunetatik, hain zuzen. Gorputzeko zona askotan gara daiteke, organo eta sistema gehienetara heltzen baita sistema parasinpatikoa.

 (Neuroblastoma bat mikroskopiotik ikusita)

2016/11/10

Kannabinoideek memoria galarazten dute, neuronen energia murriztuz

Aspaldidanik jakina zen kalamuaren estraktuak, kannabinoide sintetikoak eta garunak berak sortutakoak bezala, neuronen nerbio terminaletan dauden 1 motako kannabinoideen (CB1) errezeptoreei lotzen zaizkiela eta mezulari kimikoak (neurotransmisoreak) askatzea inhibitzen dutela nerbio zelulak elkarrekin komunikatzen diren guneetan.


2016/07/28

Narkolepsia (eta II)

Narkolepsia gaixotasun neurologiko kronikoa da eta hau pairatzen dutenek egunean zehar jasan ezinezko logura izaten dute eta batzuetan muskuluen tonua galtzen dute lurrera eroriz (kataplexia legez ezagutzen dena). Kasu gutxi batzuetan lo hartzerakoan mugitzeko gaitasuna galtzen dute (lotako paralisia) eta amets-antzeko haluzinazioak ere izaten dituzte.